Natural Face Cleanser Recipes You Can Make Yourself
Natural Face Cleanser Recipes You Can Make Yourself
آلو ایک بلیچنگ ایجنٹ کے طور پر کام کرتا ہے ۔ اور اس کا استعمال ہماری جلد کو قدرتی طور پر صاف کرتا ہے۔ آلو کے رس کو تو آپ چہرے اور جلد پر لگاتے ہی ہوں گے۔۔ آج ہم آپ کو بتاتے ہیں کہ آلو کی مدد سےکس طرح آپ اپنا فیس واش گھر بیٹھے تیار کریں اور اس سے آنکھوں کے گرد سیاہ حلقے، داغ دھبے اور جھائیوں کو ختم کریں اور جلد کو بلیچ کریں۔۔۔۔
اجزاء: چھلے ہوئےدو آلو کے چھوٹے چھوٹے قتلے (ٹکڑے) کسی بھی صابن کا چورا لیموں کا رس
طریقہ ایک پتیلی میں تین کپ پانی لیں اور آلو کے کٹے ہوئے چھوٹے چھوٹے ٹکڑوں کو اس میں ڈال کر اچھی طرح پکائیں کہ آلو نرم ہو جائے اور اس میں لیموں کا رس ملاکر تھوڑی دیر مذید پکائیں۔ اب کسی بھی صابن کو اچھی طرح کرش کرلیں، اس کا چورا بنالیں۔۔ اس چورے کو بھی آلو والی پتیلی میں ڈال دیں ۔ اور بیس منٹ تک ان تمام چیزوں کو ایک ساتھ چولہے پر پکنے دیں۔۔۔ جب جھاگ بہت زیادہ ہونے لگے تو ہلکی آنچ کرلیں ۔۔۔ لیکن 20 منٹ لازمی ان کو پکائیے۔ اب ان کو پتیلی سے نکال کر چھان لیں اور جو محلول تیار ہوا ہے اس کو ٹھنڈا کر کے ایک بوتل میں بھر لیں۔ جب بھی منہ دھونا ہو اس فیس واش سے دھوئیں۔۔ اس عمل کو زندگی کا حصہ بنالیں تاکہ اس کے نتائج سے آپ فائدہ اٹھا سکیں۔۔۔
A Step-by-Step Guide on How to Wax Your Face at Home
A Step-by-Step Guide on How to Wax Your Face at Home
خواتین اکثر و بیشتر اپر لپس اور چہرے کے اضافی بالوں کی وجہ سے کافی پریشان نظر آتی ہیں۔ انہیں تقریباً ہر ہفتہ ہی پارلر کا رخ کرنا پڑتا ہے۔ پیسے الگ خرچ ہوتے ہیں اور تکلیف الگ ہوتی ہے۔ آج ہم آپ کو ایک ایسا گھریلو نسخہ بتانے جا رہے ہیں جو آپ کی زندگی آسان کر دے گا۔ اس نسخہ میں ہر وہ چیز استعمال ہو گی جو آپ کے گھر میں موجود ہوتی ہے۔ یہ پیسٹ بنانے کے لئے آپ کو تین اجزاء درکار ہوں گے۔ اجزاء کی مقدار ایک چمچ چینی ایک چمچ بیسن آدھا چمچ ہلدی
بنانے کا طریقہ سب سے پہلے ایک باؤل میں پانی لیں اور اسے چولہے پر گرم ہونے رکھ دیں۔ دوسری طرف چینی، ہلدی اور بیسن کو ایک کٹوری میں یکجان کر لیں۔ چولہے پر رکھے پانی میں جب بلبلے بننے لگیں تو اس پانی میں اجزاء والی کٹوری رکھ دیں۔ اجزاء میں تھوڑا سا گرم پانی شامل کریں اور مسلسل چمچ ہلاتی رہیں تاکہ سب چیزیں اچھے سے ہل ہو جائیں۔ چینی چونکہ دیر سے ہل ہوتی ہے اس لئے اسے اچھے سے ہل کر لیں۔ حسبِ ضرورت اس میں تھوڑا تھوڑا پانی شامل کرتے رہیں تاکہ پیسٹ بن جائے۔ پیسٹ بن جانے کی صورت میں اسے پانی والے باؤل میں سے دھیان سے نکال لیں اور اسے چہرے پر بالوں والی جگہ پر لگا لیں۔ یہ مکسچر اس وقت چہرے پر لگائیں جب اسے باآسانی چھوا جا سکے، گرم گرم پیسٹ آپ کی جلد کو متاثر کر سکتا ہے۔ اس پیسٹ کو چہرے پر اس وقت تک لگا رہنے دیں جب تک کہ یہ خشک نہ ہوجائے۔ اس کے بعد اسے ہاتھ سے مسل کر صاف کر دیں۔ ہفتہ میں 2 سے 3 بار اس کا استعمال ضرور کریں۔ اس آپ کے چہرے کو کوئی نقصان بھی نہیں
شوگر کے مریضوں کی تعداد دن بہ دن بڑھتی جا رہی ہے، چاہے کوئی بڑی عمر کا فرد ہو یا کوئی نوجوان، شوگر بڑھنے یا گھٹنے کی وجہ سے بیشتر لوگ پریشانی کا شکار ہیں۔ ہر بیماری میں ہمارا کھانا پینا اور لائف اسٹائل بہت زیادہ اثرانداز ہوتا ہے۔ کچھ ایسی غذائیں ہیں جو شوگر کے مرض میں مبتلا افراد کے لیے کھانا خطرناک ثابت ہو سکتا ہے لہٰذا آپ بھی جان لیں تاکہ ان غذاؤں کا استعمال کم سے کم کریں۔
پیکٹ فوڈ: پیکٹ فوڈ یا بنے بنائے کھانوں میں بہت سے ایسے انزائمز ہوتے ہیں جو خون میں انسولین کو بڑھانے کا کام کرتے ہیں اور شوگر کے مریضوں کے لیے بلکل اچھے نہیں ہوتے اسی لیے ڈاکٹرز شوگر کے مریضوں کو ڈبہ بند کھانا کھانے سے منع کرتے ہیں۔
فروٹ جیم: فروٹ جیم میں مصنوعی شوگر موجود ہوتا ہے، لہٰذا شوگر سے متاثرہ افراد کو فروٹ جیم نہیں کھانے چاہیئے، یہ ایل ڈی ایل لیول کو بھی خراب کردیتا ہے جس سے شوگر سمیت دل کے مسائل بھی بڑھنے کا خدشہ ہوتا ہے۔
تلی ہوئی چیزیں: کسی بھی قسم کا تلا ہوا کھانا ضرورت سے زیادہ نہ کھائیں، ہفتے میں ایک دفعہ تو کھا سکتے ہیں لیکن اسے معمول بنا لیا جائے تو یہ جان لیوا بھی ثابت ہو سکتا ہے۔ کیونکہ اس میں سیچوریٹڈ فیٹس اور کاربس زیادہ مقدار میں پائے جاتے ہیں۔
مخصوص ذائقہ کی دہی: بازار سے مختلف برینڈز کی کئی ذائقہ دار دہی با آسانی ملتے ہیں، شوگر کے مریضوں کو ایسی دہی ہرگز نہیں کھانے چاہئیں۔ یہ ان کی صحت کے لیے انتہائی خطرناک ہو سکتے ہیں۔ کیونکہ اس دہی میں ہائی فیٹ نیوٹریٹنس پائے جاتے ہیں جو شوگر کے اچانک بڑھنے یا اچانک گھٹنے کی وجہ بنتے ہیں۔
پھلوں کا جوس: پھلوں کو کھانے سے کوئی نقصان نہیں ہوتا مگر پھلوں کا جوس آپ کے شوگر سمیت بلڈ پریشر کو بڑھانے کا باعث بنتا ہے۔
گوشت: اگر آپ شوگر میں بہت زیادہ گوشت کھاتے ہیں تو یہ جراثیم کش اینٹی باڈیز کو انسولین میں بڑھانے کی وجہ بنتا ہے جس سے شوگر ہائی رہتا ہے۔ گوشت کو اعتدال سے کھائیں، ہفتے میں ایک مرتبہ ابلا ہوا گوشت کھائیں تاکہ جسم میں پروٹین کی مقدار بھی برقرار رکھی جا سکے۔
کافی اور خشک میوہ جات: کافی اور خشک میوہ جات میں آئل اور فیٹ زیادہ ہوتا ہے، اس لئے ان کو خصوصاً ناشتے میں تو ہر گز استعمال نہ کریں۔ کافی اگر پینی ہو تو بغیر چینی کے استعمال کریں اور خشک میوہ جات کو اس وقت کھائیں جب کہ آپ نے کوئی بھی میٹھی چیز نہ کھائی ہو، کیونکہ اس سے خون میں فیٹ بھی بڑھ جاتا ہے اور آکسیجن کی مقدار بھی۔
یہ واحد ماسک ہے جو ہر قسم کی جلد کے لئے مفید ثابت ہوتا ہے ۔ یہ چہرے کے کھلے ہوئے مسامات کو بند کرتا ہے ساتھ ہی چہرے کی جلد کو کس دیتا ہے ۔ اس ماسک کو ہر قسم کے چہرے والی خواتین استعمال کر سکتی ہیں ۔
ملتانی مٹی کا ماسک بنانے کی ترکیب : کچی ملتانی مٹی ایک انڈے کی سفید ی اور ایک چائے کا چمچ شہد ملا کر اس کا پیسٹ بنالیں اور چہرے پر لگالیں ۔ ماتھے سے لیکر گردن تک لگائیں چہرے اور گردن کا کوئی حصہ خالی نہ رہے کو شش کریں کہ آنکھیں بند ہوں اور چہرہ بالکل سپارٹ رہے جب آپ یہ محسوس کریں کہ پیسٹ خشک ہوگیا ہے اور تناؤ محسوس ہونے لگے تو چہرے کو ٹھنڈے پانی سے دھولیں ۔
خشک جلد کے لئے ماسک : خشک جلد کے لیے ملتانی مٹی کو پیس کر اس میں تھوڑی سی پسی ہوئی ہلدی ملالیں ساتھ ہی چند قطرے روغن بادام کے ڈال کر پیسٹ بنالیں پیسٹ نرم ہونا ضروری ہے چہرے پر لگا کر پندرہ منٹ کے لئے چھوڑ دیں پھر چہرہ دھولیں اس پیسٹ کے استعمال سے آپ کا چہرہ دن بدن نکھرتا چلاجائے گا۔
چکنی جلد کے لئے ماسک : ایک پیالی میں انڈہ توڑ کر سفیدی نکال لیں زردی الگ کردیں سفیدی میں چند قطرے لیموں کے عرق کے ملالیں پھر ٹی سپون کی مدد سے اتنا پھینٹیں کہ پیالی میں جھاگ بن جائے اب اسے چہرے پر لگائیں جب خشک ہو جائے تو ٹھنڈے پانی سے چہرہ دھولیں ۔
نارمل جلد کے لئے ماسک : ایک حصہ خشک پاؤڈر دودھ اور ایک حصہ کچی ملتانی مٹی لے کر اس میں زیتوں کا تیل ملالیں اس طرح نرم انداز کا پیسٹ تیار ہوجائے گا۔ اب اسے چہرے پر لگا کر پندرہ منٹ انتظار کریں پھر اُتار کر منہ دھولیں نارمل جلد کے لئے بہترین ماسک ثابت ہوگا اس سے چہر ہ بشاش اور دمکنے لگتا ہے ۔
اگر آپ چاہتے ہیں کہ آپ کے بال رہیں مضبوط اور صحت مند تو بس یہ ٹِپس آزمائیں اور بالوں کے ڈھیروں مسائل سے جان جھڑائیں
مرد ہوں یا خواتین بالوں کے مسائل کو لے کر بہت ہی پریشان ہو جاتے ہیں، مگر کیا ہم نے کبھی یہ سوچا ہے کہ ہم خود ہی کچھ ایسی غلطیاں کر رہے ہوتے ہیں کہ ہمارے بال مسائل کا شکار ہو جاتے ہیں۔
آج ہم آپ کو بتانے جا رہے ہیں چند ایسی باتیں جن کا خیال رکھتے ہوئے آپ اپنے بالوں کو بنا سکتے ہیں جڑوں سے مضبوط اور صحت مند ہماری بتائی درج ذیل ٹپس سے کریں بالوں کے مسائل کا خاتمہ کچھ ہی دنوں کے احتیاط سے۔
سلیکون سے پتلے بالوں کا کریں موٹا
پتلے اور بے جان بال ایک عام شکایت ہے، مرد و خواتین اس کے لئے کئی ٹوٹکے اور ٹپس آزماتے ہیں، بالوں پر بھاری مقدار میں کیمیکل والے ہئیر کنڈشنر آپ کے بالوں کو پتلا بھی کر سکتے ہیں، آپ کو چاہیئے کہ آپ سلیکون والے ہئیر پراڈکٹ استعمال کریں جیسے ڈیمیتھیکون یا سائکلومیٹیکون والے پراڈکٹس کا استعمال کرنا بہتر ہے، ان میں سلیکون کی ایک پتلی فلم کوٹ کر ڈلی ہوئی ہوتی ہے جو آپ کے بالوں کو چکنا نہیں ہونے دیتی اور آپ کے بالوں کو موٹا بناتی ہے۔
صحت مند بالوں کیلئے مچھلی اور گری دار میوے کھائیں
پروٹین اور اومیگا 3 والی غذائیں بالوں کی صحت کے لئے بہت ضروری ہیں، اس لئے آپ کو چاہیئے کہ پھل، گردار میوے سبزیاں اور مچھلی وغیرہ کا زیادہ سے زیادہ استعمال کریں، یہ غذائیں ٹوٹے مرجھائے بے رکھے بالوں میں جان ڈال دیں گی۔
گرم پانی سے بالوں کی چمک دور ہونے سے حفاظت کریں
گرم پانی بالوں کی قدرتی چمک اور تیل چھین لیتا ہے، جوکہ قدرتی کنڈشنر کے طور پر کام کرتے ہیں، اور اس طرح آپ کے بالوں کی قدرتی چمک غائب ہو سکتی ہے اس لئے خیال کریں کہ نہانے میں سر پر گرم پانی نہ ڈالیں تھنڈے پانی سے سر دھوئیں۔
دو منہ کے بالوں کو ختم کرنے کے لئے پروٹین کا استعمال کریں
اگر آپ اکثر اپنے بالوں کو گرم ٹولز سے اسٹائل کرتے ہیں یا آپ رنگ، بلیچ، یا بہت زیادہ کیمکل والی چیزیں استعمال کرتے ہیں جو آپ کے بالوں کی حفاظتی بیرونی پرت کو نقصان پہنچا سکتے ہیں۔ نتیجہ یہ نکلتا ہے کہ بالوں کی نوکیں دو منہ والی اور روکھی سوکھی ہو جاتی ہیں اس کے لئے پروٹین والے کنڈیشنر تلاش کریں، یہ بالوں کے سِروں یانوں نوک میں ڈوب جاتے ہیں اور اسپلٹ اینڈز یعنی دو منہ والے بالوں کا خاتمہ کرتے ہیں آپ اگر باقاعدگی سے کچھ ماہ تک مایونیز بالوں میں لگائیں تو یہ بھی پروٹین کا بہترین زریعہ ہے۔
بالوں کو اسٹائل کرنے والے آلات کا استعمال چھوڑ دیں
ہم اپنے بالوں کو جلدی سکھانے اسٹائل کرنے کے لئے بلو ڈرائیر کرلنگ مشین، اسٹریٹنر وغیرہ کا استعمال کرتے ہیں، یہ وہ آلات ہیں جو ہائی الیکٹرک پاور سے چلتے ہیں جن سے ہم اپنے ہی ہاتھوں سے اپنے بالوں کو ختم کر رہے ہوتے ہیں، ہمیں ان آلات کا استعمال چھوڑنا ہوگا اور بالوں کو اسٹائل دینے کے لئے بنا آلات والی ہئیر ٹپس آزما کر بالوں کو اسٹائل دینا چاہیئے۔
بالوں کے گرنے سے بچانے کے لئے کم برش کریں
جی ہاں اکثر لوگ برش کے ساتھ بالوں کو سنوارتے ہی رہتے ہیں اور بار بار بالوں میں برش کرتے ہیں مگر یہ عادت بہت غلط ہے اس سے بال بہت زیادہ جھڑنا شروع ہو جاتے ہیں، اور برش کے نوکیلے دانت بالوں کی جڑوں کو مستقل نقصان پہنچاتے ہیں اس لئے ضرورت کے تحت برش کریں۔
تیز کیمیکل والے کلر سے بالوں کو دور رکھیں
وقت کے ساتھ ساتھ جب بال سفید ہوتے ہیں تو لوگ انہیں کلر کرنا شروع کر دیتے ہیں جس سے بال مزید کمزور ہو جاتے ہیں کیونکہ ہئیر کلر پراڈکٹس میں بھرپور کیمیکل ہوتا ہے اس لئے کوشش کریں کہ بالوں کو رنگ برنگے الگ الگ رنگ کر کر کے خراب نہ کریں اور کوئی کم سے کم کیمیکل والا ہیئر کلر پراڈکٹ استعمال کریں۔
زندگی میں ایک عمر ایسی آتی جس میں ہمارے بالوں کا رنگ بدلنے لگتا ہے۔ اور ہمیں اپنی شخصیت کو سنوارنے کے لیے ہئیر ڈائی کا استعمال کرنا پڑتا ہے۔ بال ڈائی کرنا اب ایک فیشن بن چکا ہے بہت سے نوجوان لڑکے لڑکیاں بھی بالوں کی رنگت تبدیل کرکے نیا اسٹائل اپنا نا چاہتے ہیں ۔ لیکن مختلف ہئیر ڈائز میں کیمیکلز کی موجودگی نا صرف بالوں کے لیے بلکہ جلد کے لیے بھی نقصان دہ ہوتے ہیں۔ نیشنل کینسر انسٹی ٹیوٹ کے مطابق ہئیر ڈائی میں استعمال ہونے والے بعض کیمیکلز کینسر کا باعث بھی بنتے ہیں ۔ خوش قسمتی سے ایسے بہت سے قدرتی طریقے ہیں جو کوئی نقصان پہنچائے بغیر آپکی شخصیت کو سنوار سکتے ہیں۔
مٹیالے بالوں کو گولڈن رنگنے کے لیے : شہدمیں قدرتی طور پر ہائڈروجن پر آکسائڈ موجود ہوتا ہے جس میں بالوں کو بلیچ کرنے کی صلاحیت ہوتی ہے ۔ اور دار چینی میں بالوں کو سنہرا کرنے کی صلاحیت ہوتی ہے (کالے یا براؤن بالوں کو سرخ شیڈ دینے کے لیے بھی استعمال کرسکتے ہیں۔) برابر کی مقدار میں شہد دارچینی پاؤڈر اور کنڈیشنر یا زیتون کا تیل ملالیں۔اچھی طرح ملا کر بالوں میں مساج کریں اور ایک گھنٹے کے لیے چھوڑدیں ۔ قدرتی طریقے سے بال ڈائی کرنے کے لیے یہ عمل کئی دفعہ دہرانے کے بعد صحیح نتائج حاصل ہوتے ہیں۔
لائٹ براؤن سے ڈارک براؤن کے لیے کالے اخروٹ کے چھلکے میں بال ڈائی کرنے کی صلاحیت موجود ہوتی ہے ۔ اور یہ دوسرے قدرتی اجزاء کے مقابلے میں زیادہ اچھے بال ڈائی کرتا ہے ۔ کالے اخروٹ کے چھلکے کوٹ لیں یا اس کا پاؤڈر لے کر پانی میں ملا کر ۳۰ منٹ تک ابالیں ۔ اس چائے کو ٹھنڈا کر کے بالوں کو اس میں کم از کم ۲۰ منٹ یا اس سے زیادہ دیر کے لیے بھگوئیں ۔ مانگ کو رنگ سے بچانے ک لیے کھوپرے کا تیل مانگ میں لگا لیں۔
ڈارک براؤن پر لائٹ براؤن شیڈ کے لیے : کیمومائل کی چائے بھی بالوں کو سنہرا شیڈ دینے کے لیے استعمال کی جاتی ہے ۔ کیمو مائل کو پانی میں ابال کر ٹھنڈا کریں ۔ اور بالوں کو اس سے بھگوئیں شیمپو کرنے کے بعد بار بار اس چائے کو بالوں پر بہائیں ۔ (بالوں کے نیچے ٹب یا باؤل رکھیں تاکہ پانی اسی میں گرے اور دوبارہ استعمال ہوسکے ) ایک گھنٹے کے لیے بالوں کو اس چائے سے گیلا کیے رکھیں اور پھر صاف پا نی سے دھولیں۔ کیمو مائل ٹی کو زیتون اور شہد کے تیل کے ساتھ ملا کرکنڈیشنر کے طور پر بھی استعمال کریں۔ ہفتے میں کئی دفعہ استعمال کرنے سے تین ہفتے میں بہتر نتائج سامنے آئیں گے۔
کسی بھی رنگ پر لال شیڈ کے لیے : مہندی سے بالوں میں مختلف شیڈ آتے ہیں جس کا انحصار بالوں کی اصل رنگت پر ہوتا ہے ۔ اور دوسرے اس بات پر بھی کہ آپ بال ڈائی کرنے کے لیے کتنی مرتبہ اسکا استعمال کرتے ہیں۔ مہندی کا رنگ دو مہینے تک رہتا ہے ۔ بال ڈائی کرنے کے لیے مہندی کو پانی میں گھول کر ایک دو گھنٹے کے لیے رکھ دیں پھر بالوں میں لگائیں مہندی سوکھنے کے بعد دھولیں۔
ہلکی سفیدی چھپانے کے لیے : بال ڈائی کرنے ک لیے ساج کے پتوں کا استعمال بھی کیا جاتا ہے یہ بالوں میں آنے والی ہلکی سفیدی کو ختم کر کے گہرے بالوں جیسا ہی کردیتا ہے ساج کے پتے ابال کر اس میں کالی چائے ملا کر بالوں کو دھوئیں ۔ اس کے باقاعدہ استعمال سے بالوں کا رنگ گہرا ہوتا جائے گا۔
وٹامن سی ٹونر اب گھر میں ہی بنائیں اور پائیں ایسی زبردست جلد جس کا رزلٹ آپ کو بھی حیران کر دے
وٹامن سی ہماری صحت سے لے کر جلد تک کے ہر مسئلے میں ہمارے لئے اتنا مدد گار ہے جس کا اندازہ ہم نہیں کر سکتے یہ ہے ہی اتنا فائدہ مند۔ وٹامن سی ہمارے جسم میں موجود پانی اور خون کے ساتھ حل ہوجاتا ہے اور ناخن، جلد اور بالوں کی بہترین نشوونما کرتا ہے۔ یہ جسم میں موجود آئرن کو جذب کرتا ہے اور تھکاوٹ، کمزوری کے احساس دور کرنے کے ساتھ ساتھ جلد کے خلیوں اور خون کی شریانوں کی حفاظت میں مدد کرتا ہے۔ اور اگر بات جلد کے حوالے سے کی جائے تو جلد کو روشن، خوبصورت اور چمکدار بنانے میں اس وٹامن کا کوئی ثانی نہیں۔ اس کا خاص ٹونر گھر میں بنانے کا طریقہ بہت ہی آسان ہے جس کو جاننے کے بعد امید ہے کہ آپ بھی بازاری کیمیکل شدہ ٹونرز میں اپنے پیسے برباد نہیں کریں گی۔
ٹپ: دو گلاس پانی لیں اور اس کو اچھی طرح اباللیں۔ پھر اس میں گرین ٹی یا سبز چائے کا ایک چمچ ڈال دیں اور ہلکی آنچ پر تین سے پانچ منٹ تک پکا کر جوش دے لیں۔ اب اس کو نیم ٹھنڈا کریں اور وٹامن سی کا پائوڈر ڈال کر اچھی طرح مکس کرلیں۔ اس مکسچر میں چمچ بار بار چلاتی جائیں تا کہ کوئی گٹھلی نہ بنے۔ لیجیئے تیار ہے آپ کا فوائد سے بھرپور وٹامن سی کا ایسا ٹونر جو آپ کی جلد پر کسی بھی قسم کے دانوں، داغ دھبوں، چھائیوں، فائن لائنز اور میل کو باہر نکالنے میں آپ کی مدد کرتا ہے، اور اگر اسی ٹونر کو آپ ویکس کے بعد چہرے پر لگائیں تو یہ سوتھنگ افیکٹ کا کام کرتا ہے اور جلد کو ٹھنڈا رکھنے میں سب سے سستا اور خاص راز ہے۔
اجزاء: گوشت: 1 کلو چاول: 1 کلو ادرک لہسن پسا ہوا: 2 کھانے کے چمچ نمک: حسب ذائقہ پیاز، باریک کٹی ہوئی: 12 سے 15 عدد ہرا دھنیہ، باریک کٹا ہوا: 1 گٹھی کالی مرچ، موٹی کٹی ہوئی: 1 کھانے کا چمچ ثابت گرم مصالحہ:2 کھانے کے چمچ دہی پھینٹا ہوا: 2 پیالی زردے کا رنگ: 1 چٹکی دودھ: آدھی پیالی کیوڑہ ایسنس: چند قطرے گھی: 1 پیالی
ترکیب:
دیگچی میں گوشت ڈال کر اس میں ادرک لہسن، پیاز، ہری مرچیں، ہرا دھنیہ، پودینہ اور ایک پیالی پانی ڈال کر ہلکی آنچ پر اتنی دیر ابالیں کہ گوشت اچھی طرح گل جائے۔ دہی میں کالی مرچ اور نمک ملا لیں۔ گوشت کو چولہے سے اتار کر دہی اور گھی ڈال دیں اور ایک طرف رکھ دیں۔ چاولوں کو گرم مصالحے کے ساتھ ایک کنی (مکمل گلنے سے 3 سے 4 منٹ پہلے) ابال لیں۔ اس کے بعد چھلنی میں ڈال کر زائد پانی نکال لیں۔ بڑے سائز کی دیگچی میں گوشت کو پھیلا کر رکھیں اور اوپر ابلے ہوئے چاول ڈال دیں۔ زردے کا رنگ اور کیوڑہ ایسنس دودھ میں ملا کر چاولوں پر چھڑک دیں۔ چاول ڈھک کر گرم توے پر 15 سے 20 منٹ کے لیے ہلکی آنچ پر پکائیں۔
اجزاء: •مرغی_____ 1 عدد •پیاز_____ 180گرام •لہسن_____ 15 گرام •ادرک_____ 15 گرام •گھی_____ 220گرام •دہی_____ 180گرام •نم اور سرخ مرچ_____ حسب ذائقہ •زیرہ سیاہ_____ 1چائے کی آدھی چمچی •زیرہ سفید_____ 1چائے کی ایک چمچی •سوکھا دھنیا_____ 1چائے کی آدھی چمچی •کالی مرچ_____ 6عدد •لونگ_____ 6 عدد •دار چینی_____ 1 چھوٹا سا ٹکڑا •موٹی الائچی_____ 3 عدد •سبز الائچی_____ 4 عدد •کیوڑہ_____ 1 بڑا چمچہ •زعفران_____ 1 رتی
ترکیب:
مرغی کاٹ کر صاف کر لیجئے اور حسب پسند چھوٹے یا بڑے ٹکڑے بنا لیجئے اور کم ازکم 24گھنٹے ریفریجریٹر میں رکھئے پیاز باریک لچھے دار کاٹ لیں۔ لہسن اور ادرک علیحدہ علیحدہ پیس لیں۔ لونگ اور دار چینی کے علاوہ باقی سب مصالحہ باریک پیس کر رکھ لیں گھی کو کڑا کڑا لیں، اس میں پیاز ڈال کر ہلکی براؤن کر لیں۔ پیاز کا رنگ سنہری ہو نا چاہئے۔ پیاز کو گھی میں سے نکال کر باریک پیس لیں اب اس گھی میں مرغی کے ٹکڑے ثابت لونگ اور دار چینی ڈال کر ہلکی آنچ پر بھونیں یہاں تک کہ وہ ہلکی ہلکی سرخ نظر آنے لگے پھر اس پر دہی پھینٹ کر ڈال دیں اور بھونتے جائیں جب دہی کا پانی خشک ہو جائے اور اچھی طرح گھی چھوڑ دے تو اس پر پسا پوا لہسن اور نمک ڈال دیں۔ پھردو چار چمچے چلانے کے بعد ادرک ڈال دیں۔ دو چار چمچے چلانے کے بعد پسا ہو امصالحہ ڈال دیں اور دو منٹ تک بھونیں ۔ پھر پسا ہوا مصالحہ اور سرخ مرچ ڈال دیں۔ اور پانی کا چھینٹا دے دے کر بھونیں دومنٹ تک بھوننے کے بعد اس میں اتنا پانی ڈا لیں کہ گوشت گداز ہو جائے اور تھوڑ اسا شور با بھی رہ جائے۔ اس کے بعد سبز الائچی زعفران اور کیوڑا ملا کر پیس لیں اور سالن میں ڈال کر اسے پانچ منٹ تک دم نچت کر دیجئے۔ تاکہ مہک اٹھے اور گھی چھوڑ دے ۔ پھر اتار لیجئے اور مزے سے کھائیں۔
Hormones Or Khawateen Ki Mukhtalif Bimarion Ka Ilaj
Hormones Or Khawateen Ki Mukhtalif Bimarion Ka Ilaj
ہارمونز سمیت خواتین کی مختلف بیماریوں کا علاج ڈاکٹر بلقیس نے کیا بتایا؟ جانیں
خواتین کے ساتھ صحت سے متعلق مسائل دن نہ دن خطرناک ہوتے جا رہے ہیں اور ہارمونز کے نظام میں بگاڑ کی وجہ سے ان میں بہت سے مسائل پیدا ہوتے ہیں جو کہ مستقبل میں جان لیوہ بھی ثابت ہوتے ہیں۔ اس لئے خواتین کو چاہیئے کہ وہ اپنے اندر ہونے والی ہر تبدیلی اور تکلیف سے متعلق اپنے معالج سے ضرور مشورہ لیں تاکہ وہ صحت مند رہ سکیں ۔ ہربلسٹ ڈاکٹر بلقیس کے مطابق ” آج کل خواتین میں PCOS یعنی Polycystic Ovaries Syndrome کی بیماری بہت عام ہے جوکہ ہارمون کی خرابی کی وجہ سے ہوتی ہے جس کی سب سے بڑی وجہ غیر متوازن غذا ہے کیونکہ ہم جو ہم کھاتے ہیں وہی جسم پر اثر نظر آتا ہے۔ وہی غذا ہمارے خون کا حصہ بنتی ہے اور اسی وجہ سے بیماریاں بنتی ہیں“- آج کل لڑکیاں کھانے میں دودھ کا استعمال نہیں کرتیں، نہ سالن والی غذاؤں کو زیادہ استعمال کرتی ہیں اور نہ ورزش کرتی ہیں۔ یہ وہ عوامل ہیں جن کی وجہ سے کیلشئیم اور پروٹین کی کمی تو ہوتی ہی ہے ساتھ ہی ہارمونز میں بھی بگاڑ پیدا ہوتا ہے جو کہ بانج پن کی وجہ بنتے ہیں۔
ٹپ 1 : اس مسئلے کا حل بتاتے ہوئے ڈاکٹر بلقیس نے ایک ٹپ بھی بتائی: ” خواتین کو چاہیے کہ میتھی کا استعمال زیادہ کریں چاہے کھانے میں کھائیں یا قہوہ بنا کر پیئیں۔ کیونکہ ہارمونز کے عدم توازن کی وجہ سے ہی بانجھ پن پیدا ہوتا ہے اور میتھی میں ہارمونل انزائمز پائے جاتے ہیں جو اس مسئلے کے حل میں مفید ہے”۔
ٹپ 2 : اس حوالے سے ایک اور ٹپ بتاتے ہوئے انہوں نے کہا کہ: ”مخصوص ایام میں بے قاعدگی بھی اگر ہو جائے تو ایسی خواتین بینگن کا استعمال کریں اس کے علاوہ جامن کے پتوں کا قہوہ بنا کر پئیں”- یہ دونوں اجزاء پی سی او جیسے مسائل کو ختم کرنے اور ماہواری کی پیچیدگیوں کو کنٹرول کرنے میں آپ کی مدد کرتے ہیں۔
ٹپ 3 : وہ خواتین جو ان اندرونی مسائل کی وجہ سے بے اولاد ہیں ان کو چاہیئے کہ وہ ” مولی کے بیج ” روزانہ رات کو سونے سے قبل نیم گرم پانی سے کھا کر سوئیں، یہ ایک قدرتی سبزی ہے جو حمل کے ٹہر میں ان کے لئے مفید ثابت ہوتی ہے کیونکہ اس میں ایسے انزائمز ہوتے ہیں جو اووری اور نظامِ حمل کے افعال کو طاقت دینے کا کام کرتے ہیں۔
